കോന്നി
ബ്ലോക്ക് പഞ്ചായത്ത്

അക്ഷരോന്നതി പദ്ധതി – പുസ്തക വിതരണോദ്ഘാടനം

കോന്നി ബ്ലോക്ക് പഞ്ചായത്ത് “അക്ഷരോന്നതി” പദ്ധതിയുടെ ഭാഗമായി ശേഖരിച്ച പുസ്തകങ്ങളുടെ വിതരണോദ്ഘാടനം സംഘടിപ്പിച്ചു. ബ്ലോക്ക് പഞ്ചായത്ത് പ്രസിഡന്റ് ശ്രീ. റോബിൻ പീറ്റർ ശേഖരിച്ച പുസ്തകങ്ങൾ അരുവാപ്പുലം ഗ്രാമപഞ്ചായത്ത് പ്രസിഡന്റ് കുമാരി രേഷ്മ ബി.യ്ക്ക് കൈമാറിക്കൊണ്ട് വിതരണോദ്ഘാടനം ഔദ്യോഗികമായി നിർവഹിച്ചു.

ചടങ്ങിൽ ബ്ലോക്ക് പഞ്ചായത്ത് വൈസ് പ്രസിഡന്റ് ശ്രീമതി ക്ഷേമ ശേഖർ, വിവിധ സ്റ്റാൻഡിംഗ് കമ്മിറ്റി ചെയർപേഴ്സൺമാർ, ഭരണസമിതി അംഗങ്ങൾ, ബ്ലോക്ക് പഞ്ചായത്ത് ഉദ്യോഗസ്ഥർ, ഘടക സ്ഥാപന മേധാവികൾ, മറ്റ് ജനപ്രതിനിധികൾ എന്നിവർ പങ്കെടുത്തു. വായനാശീലം പ്രോത്സാഹിപ്പിക്കുന്നതിനും വിദ്യാർത്ഥികൾക്ക് മികച്ച പഠനസൗകര്യങ്ങൾ ഒരുക്കുന്നതിനുമായി നടപ്പിലാക്കുന്ന ഈ പദ്ധതി സമൂഹത്തിൽ അറിവിന്റെയും വിദ്യാഭ്യാസത്തിന്റെയും പ്രാധാന്യം ഉയർത്തിക്കാട്ടുന്ന ഒരു മാതൃകാപരമായ സംരംഭമാണ്.